இரண்டவது முறையாக கிரிக்கெட் தரவரிசை : இந்தியா முதலிடம்

சர்வதேச ஒரு நாள் கிரிக்கெட் தரவரிசைப் பட்டியலில் இந்தியா மீண்டும் முதலிடத்தைப் பிடித்துள்ளது.

கிரிக்கெட் தரவரிசையில் உள்ள நாடுகள் பட்டியலை சர்வதேச கிரிக்கெட் கவுன்சில் (ஐசிசி) வெளியிட்டது. இதில் இந்தியா 126 புள்ளிகளுடன் முதலிடத்துக்கு முன்னேறியுள்ளது.

கடந்த 10 நாட்களுக்கு முன் அதிக புள்ளிகளைப் பெற்று முதலிடத்தில் இந்தியா இருந்தது. ஒரே ஒரு நாள் மட்டும் முதலிடத்தில் இருந்த இந்தியா அதற்கு அடுத்த நாளே 3-ம் இடத்துக்குத் தள்ளப்பட்டது.

இந்நிலையில் இந்தியா மீண்டும் முதலிடத்துக்கு தற்போது வந்துள்ளது. சாம்பியன்ஸ் டிராபி போட்டியில் இலங்கை - தென்னாப்பிரிக்காவுடனான ஆட்டத்தில் தென்னாப்பிரிக்கா தோல்வி அடைந்ததையடுத்து அந்த அணி 3-ம் இடத்துக்குத் தள்ளப்பட்டது.

இதையடுத்து இந்தியா முதலிடத்துக்கு முன்னேறியது. தற்போது இந்தியா 126 புள்ளிகளுடன் உள்ளது. ஆஸ்திரேலியா 125 புள்ளிகளுடன் 2-ம் இடத்தில் உள்ளது. 3-ம் இடத்தில் தென்னாப்பிரிக்கா 124 புள்ளிகளுடன் இருக்கிறது.

இலங்கை 4-ம் இடத்திலும், பாகிஸ்தான் 5-ம் இடத்திலும் உள்ளன.

நன்றி : http://www.dinamani.com/edition/story.aspx?&SectionName=Edition-Chennai&artid=129476&SectionID=135&MainSectionID=135&SEO=&Title=